Markat luksoze ndëshkojnë Moskën, kompanitë pezullojnë aktivitetin e dyqaneve në Rusi
Nga OraNews Përditësimi i fundit 5 Mars 2022, 21:35
Ndërkohë që luftimet në Ukrainë vazhdojnë të shënojnë viktima dhe humbje të mëdha, vendet perëndimore kanë vendosur sanksione ndëshkuese ndaj Moskës, se fundmi dhe markat prestigjoze kanë ndërprerë aktivitetin e tyre në pikat që kanë në Rusi.
Market e njohura luksoze si Gucci, Louis Vuitton, Chanel dhe Cartier kanë mbyllur dyqanet e tyrë në Rusi për shkak të luftimeve në Ukrainë.
Ato njoftuan të premten se ky vendim lidhet me çështjet e sigurisë për stafet, teksa konflikti mes palëve ka avancuar.
Grupi i veshjeve ndërkombëtare luksoze me bazë në Francë, Kering Group, tha se do të mbyllte përkohësisht butikët deri sa situata në Evropë të neutralizohet. Të njëjtën gjë bëri dhe kompania më e madhe e luksit në botë për nga shitjet, LVMH, që ka në përbërje të 75 marka , si Christian Dior, Louis Vuitton dhe Mowt.
Po ashtu Hermès dhe prodhuesi i çantave Birkin, njoftuan përmes rrjeteve sociale për ndalimin e aktivitetit të shitjeve dhe blerjeve në dyqanet e tyre në Rusi, pasi ndihen të shqetësuar dhe të pasigurt. Një reagim i tillë në Linkedin është verejtur dhe nga marka Chanel dhe Cartier.
Pak ditë më parë, market prestigjoze denoncuan luftën dhe dhuruan fonde për t i ardhur në ndihmë Ukrainës.".
Në vazhdën e pushtimit rus, Bashkimi Evropian dhe vende të tjerë vednosën një sërë sanksionesh të rënda ekonomike ndaj Moskës, duke përfshirë ndalimin e bankave të saj nga sistemi global i pagesave SWIFT dhe mbylljen e hapësirës ajrore për avionët rusë. Disa marka ndërkombëtare si Apple, IKEA, H&M dhe Airbnb kanë pezulluar gjithashtu operacionet e tyre në Rusi për shkak të konfliktit.
