Ukraina kërkon një raund të ri sanksionesh kundër Rusisë
Nga OraNews Përditësimi i fundit 5 Mars 2022, 21:03
Ministri i Jashtëm i Ukrainës Dmytro Kuleba tha gjatë një fjalimi televiziv të shtunën se vendi i tij dëshironte sanksione më të forta kundër Rusisë.
“Ato përfshijnë, ndër të tjera, ndalimin e bankës ruse Sberbank nga SËIFT, mbylljen e porteve evropiane për anijet ruse, mbylljen e aksesit të Rusisë në kriptovalutat dhe ndalimin e blerjeve të naftës ruse”, tha Kuleba.
Nafta ruse "bie erë gjaku ukrainas sot", tha ministri i Jashtëm, duke shtuar se "blerja e saj është financimi i krimeve ruse të luftës".
Ai përsëriti thirrjen e Ukrainës për aleatët ndërkombëtarë për të mbrojtur hapësirën ajrore të Ukrainës nga "bombardimet barbare ruse" dhe për t'i siguruar vendit "avionë luftarakë dhe mbrojtje serioze ajrore, raketa dhe armë".
"Mesazhi im për botën është i qartë. Kur të gjithë liderët evropianë dhe të tjerë në të gjitha ceremonitë gjatë gjithë vitit, përsërisin ato fjalë të veçanta, "kurrë më", ata tani duhet të dëshmojnë me veprime se i qëndrojnë atyre fjalëve," tha Kuleba, duke iu referuar bombardimeve naziste të kryeqyteteve evropiane gjatë Luftës së Dytë Botërore.
Gjatë mesazhit, Kuleba lavdëroi guximin "e admirueshëm" të "protestuesve paqësorë" në qytetin jugor të Ukrainës, Kherson, të cilët "demonstruan përpara pushtuesve të armatosur rusë", duke u thënë atyre se "ata janë ukrainas dhe qyteti i tyre i përket Ukrainës".
"Mesazhi i popullit heroik ukrainas është i thjeshtë," tha ai, shkruan CNN.
"Rusë, shkoni në shtëpi. Ju jeni në tokë të huaj. Dhe askush nuk ju pret me lule. Putin, lëre të qetë Ukrainën. Ju nuk do ta fitoni këtë luftë", theksoi Kuleba gjatë mesazhit të shkurtër.
