"Ndal" tek "Ali Demi". Pasagjeri nxjerr stemën e policisë për të shmangur kontrollin në makinë, Brenda gjejnë kokainë
Nga OraNews Përditësimi i fundit 28 Janar 2022, 10:00
Një 35 vjeçar është arrestuar pasi është prezantuar si punonjës policie në makinën ku u gjet kokainë.
Makina drejtohej nga një 24 vjeçare edhe kjo e arrestuar.
Policia kontrolloi makinën në rrugën “Ali Demi”
“Gjatë kontrollit në mjetin që drejtonte shtetasja G. T., është gjetur dhe sekuestruar një sasi lënde narkotike e llojit kokainë, ndërsa shtetasi F. L. është prezantuar si punonjës policie, duke paraqitur një portofol me stemën e Policisë" informoi sot policia e Tiranës.
Vajza është arrestuar për "Prodhimi dhe shitja e narkotikëve" ndërsa 35 vjeçari është arrestuar për akuzën "Mbajtja pa të drejtë e uniformës" dhe "Moskallëzimi i krimit".
Gjithashtu, nga specialisët për Hetimin e Narkotikëve u procedua penalisht pasagjerja në mjet, për veprën penale "Moskallëzimi i krimit".
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
Të arrestuar
F. L., 35 vjeç, për veprat penale "Mbajtja pa të drejtë e uniformës" dhe "Moskallëzimi i krimit";
- G. T., 24 vjeçe, për veprën penale "Prodhimi dhe shitja e narkotikëve".
