Shilpa Shetty lirohet nga akuzat pas puthjes nga aktori Richard Gere
Nga OraNews Përditësimi i fundit 25 Janar 2022, 21:02
Një gjykatë indiane ka liruar Shilpa Shetty nga akuzat për shfaqje të paturpshme pasi ylli i Bollywood-it u puth në skenë nga aktori Richard Gere.
Pamjet nga viti 2007 treguan yllin e Hollivudit duke puthur faqen e zonjës Shetty në një ngjarje ndërgjegjësuese për Sidën në Delhi.
Akuzat vetëm tani janë shpallur "të pabaza", me gjykatën që tha se ajo ishte viktimë e një avancimi të padëshiruar.
Në atë kohë, puthja shkaktoi protesta nga grupet radikale hindu, të cilët e konsideruan atë si një fyerje për vlerat indiane. Puthja në publik konsiderohet nga disa persona në Indi si tabu.
Gere përqafoi dhe puthi zonjën Shetty në një skenë publike në një ngjarje bamirësie në Delhi gati 15 vjet më parë, një shfaqje për të cilën ai më vonë kërkoi falje.
Aktori tha se ishte përpjekur të tregonte se puthja ishte një akt i sigurt që nuk mund të çonte në transmetimin e HIV.
Një urdhër-arresti i lëshuar për Gere për incidentin u hodh poshtë nga Gjykata e Lartë e Indisë menjëherë pas.
Vetëm javën e kaluara akuzat kundër zonjës Shetty për të njëjtin incident u hodhën poshtë në Mumbai, pasi çështja kishte rënë poshtë në sistemin gjyqësor të Indisë.
