Aksidentoi për vdekje të moshuarin dhe e hodhi në kanal për të fshehur gjurmët, arrestohet 48-vjeçari
Nga Edisona Skënderi Përditësimi i fundit 22 Janar 2022, 09:14
Policia e Elbasanit ka vënë në pranga Avni Hysën 48-vjeç, pasi ky person dyshohet se e ka aksidentuar për vdekje një 83-vjeçar dhe më pas e ka hedhur në kanal për të zhdukur gjurmët. 11 ditë pas aksidentit fatal, blutë kanë arritur që të zbardhin ngjarjen e rëndë të ndodhur në segmentin rrugor fshati Thane-Elbasan.
Policia e Elbasani ka bërë të mundur arrestimin e 48-vjeçarit Avni Hysa.
Sipas uniformave blu ky person me datën 11 janar ka aksidentuar për vdekje shtetasin Alush Sinkolla 83-vjeç dhe më pas e ka hedhur në kanal për të fshehur provat.
U dha prindërve fëmijën e gabuar, denoncohet spitali
22 Janar, 09:50
Pas aksidentit, 48-vjeçari kishte mundur që të largohet nga vendndgjarja duke zhdukur provat e aksidentit.
Ngjarja e rëndë kishte ndodhur në segmentin rrugor fshati Thanë- Elbasan, ku një 83-vjeçar ishte gjetur i pajetë në kanal, ndërsa strukturat e policisë pas një pune hetimore arritën që të zbardhnin ngjarjen.
Policia njoftoi se u bë e mundur edhe gjetja dhe sekuestrimi i mjetit tip "Audi" që autori Avni Hysa dispononte dhe me të cilin shkaktoi aksidentin me pasojë jetën e 83-vjeçarit.
10 persona kanë humbur jetën dhe dhjetëra të tjerë janë plagosur nga aksidentet rrugore vetëm në 3 javët e para të 2022.
