Shkoi për të hedhur mbeturinat te koshi, rrëshqet dhe gjen vdekjen 61-vjeçari nga Elbasani
Nga OraNews Përditësimi i fundit 21 Janar 2022, 22:11
Një ngjarje e rëndë ka ndodhur mbrëmjen e sotme në lagjen 28 Nëntori të Elbasanit.
Një person i moshës 61-vjeçare dyshohet se duke hedhur mbeturinat tek koshi i plehrave ka rrëshqitur dhe ka gjetur vdekjen.
“Më datë 21.01.2022, rreth orës 21:06, njofton urgjenca e spitalit Elbasan, se shtetasi Q.K , 61 vjeç , banues në lagjen 28 Nëntori, Elbasan, dyshohet se duke hedhur mbeturinat tek koshi i plehrave ka rrëshqitur dhe ka gjetur vdekjen.” – bën me dije policia.
Grupi hetimor po punon për zbardhjen e rrethanave të ngjarjes.
