Tragjedi/ Shpërthen zjarri në pallat, të paktën 19 viktima midis tyre nëntë fëmijë (video)

Nga OraNews Përditësimi i fundit 10 Janar 2022, 07:18

Të paktën 19 persona, përfshirë nëntë fëmijë, kanë vdekur pas shpërthimit të  një zjarri në një pallat në Nju Jork.

32 persona të tjerë u dërguan në spital, disa prej të cilëve janë në gjendje kritike, sipas kryebashkiakut të Nju Jorkut, Eric Adams.

Shkaku i tij nuk dihet ende, u tha gazetarëve komisioneri i departamentit të zjarrfikësve të Nju Jorkut, Daniel Nigro në një konferencë shtypi të dielën.

Komisioneri tha se ata kishin gjetur viktima në çdo kat të pallatit 19-katësh, duke thënë se tymi ishte "i paprecedentë".

Ai tha për NBC News se numri i të vdekurve ishte më rëndi që është regjistruar në Nju Jork për 30 vjet.

Zoti Nigro tha se tymi ishte përhapur në çdo kat të ndërtesës ndoshta sepse dera e apartamentit ku kishte rënë zjarri ishte lënë e hapur dhe se viktimat kishin thithur sasi të konsiderueshme tymi.

Shpërthimi i zjarrit në Nju-Jork vjen disa ditë pasi një shtëpi në Filadelfi u dogj duke vrarë 12 persona, përfshirë tetë fëmijë.