Sulmi ajror në Etiopi / 56 të vdekur dhe 30 të plagosur ndër të cilët edhe fëmijë
Nga OraNews Përditësimi i fundit 8 Janar 2022, 16:28
Një sulm ajror në rajonin verior të Etiopisë, shkaktoi 56 viktima dhe plagosi të paktën 30 të tjerë në një kamp refugjatësh brenda vendit të cilët i përkasin Frontit Çlirimtar Popullor.
Numri i viktimave është konfirmuar nga autoritetet lokale.
Përleshjet në terren janë ndalur përkohësisht, por sulmet ajrore mbi pozicionet e frontit vazhdojnë.
Zëdhënësi ushtarak, kolonel Getnet Adane dhe zëdhënësi i qeverisë Legesse Tulu nuk iu përgjigjën kërkesave për një konferencë mediatike.
Ende nuk ka asnjë konfirmim se kush e urdhëroi sulmin, i cili thuhet se ndodhi vonë të premten mbrëma në Dedebit, teksa qeveria më parë ka mohuar të ketë shënjestruar civilët.
Më herët të premten, qeveria kishte liruar nga burgu disa liderë të opozitës dhe tha se do të fillonte dialogun me kundërshtarët politikë për të nxitur pajtimin.
Lufta hyri në një fazë të re në fund të dhjetorit, kur forcat Tigray u tërhoqën nga forcat ushtarake dhe forcat etiopiane thanë se nuk do të përparonin më tej.
Para sulmit të fundit, të paktën 146 njerëz janë vrarë dhe 213 janë plagosur në sulmet ajrore në Tigray që nga 18 tetori.
Fronti Çlirimtar Popullor Tigray akuzon autoritetet federale se kanë vendosur një bllokadë ndihme në rajon, duke çuar në uri dhe mungesa të gjërave thelbësore si karburantet dhe ilaçet. Qeveria mohon bllokimin e kalimit të autokolonave të ndihmave.
