Donin të shkonin në PD, policia kthen pas protestuesit, i hedhin gaz në fytyrë edhe Berishës
Nga OraNews Përditësimi i fundit 8 Janar 2022, 14:07
Edhe pas marrjes në dorëzim nga policia e shtetit të selisë së PD-së, sërish vazhdon të jetë e tensionuar situata e protestë së thirrur nga ish-kryeministri Sali Berisha.
Ky i fundit i mbështetur nga një grup protestuesish është nisur sërish për të shkuar te selia e PD-së, por është ndaluar nga policia.
Efektivët me skafandra kanë formuar një kordon mbi urën e Lanës para Godinës së PD-së dhe i kanë kthyer pas protestuesit e Berishën me gaz lotsjellës.
Ndërkohë, protestues të shumtë janë shpërndarë përgjatë Bulevardit Zhan D’Ark për shkak të hedhjes së ujit dhe gazit nga policia.
Momentalisht godina e PD-së është në duart e policisë, ndërsa zyrtarët e lartë të kësaj partie dhe deputetët e saj ndodhen të “ngujuar” në tarracë.
