Policia ndërhyn me gaz dhe ujë në PD, Berisha ngel i “ngujuar” me maskë anti-gaz brenda selisë
Nga OraNews Përditësimi i fundit 8 Janar 2022, 13:10
Mes protestuesve që kanë mbetur brenda selisë së PD-së, pas thyerjes së dyerve të Partisë ka qenë edhe ish-kryeministri Sali Berisha.
Berisha është futur brenda i shoqëruar nga truprojat e tij, ndërsa policia ka hedhur ujë dhe gaz lotsjellës duke shpërndarë protestuesit.
Ai ka tentuar të dalë një moment nga godina e PD-së, po është futur sërish brenda pasi ka prani të shumtë të gazit jashtë.
Ndërkohë, protestuesit janë shpërndarë nga policia e shteti, duke u larguar nga ambientet e jashtme të partisë, ku disa janë shtrirë pranë lumit të Lanës nga gazi.
