E rëndë! Humb jetën 21-vjeçarja shqiptare në burgun e grave
Nga OraNews Përditësimi i fundit 30 Dhjetor 2021, 18:17
Një shqiptare në moshën 21-vjeçare ka humbur jetën në burgun e grave në Lipjan.
Mediat e Kosovës, kanë bërë me dije se edhe pse stafi i burgut ka ndërhyrë menjëherë, nuk ka arritur që ta kthejë në jetë.
Lidhur me rastin janë njoftuar Policia e Kosovës dhe Prokuroria ka filluar hetimet procedurale dhe administrative.
Njoftimi i plotë:
Prishtinë, 30 dhjetor 2021 – Shërbimi Korrektues i Kosovës, njofton opinionin publik se sot rreth orës 12:42 në Qendrën Korrektuese për Femra në Lipjan, e dënuara me inicialet M.K, viti i lindjes 2000, ka ndërruar jetë.
Me të kuptuar për rastin, i menjëhershëm ka qenë intervenimi i stafit korrektues dhe atij mjekësor të Qendrës, por përkundër përpjekjeve për reanimim nuk kanë arritur të kthejnë në jetë.
E dënuara, në QKF Lipjan është pranura me datën 27.04.2021, që nga fillimi deri 18.06.2021 ka qenë në vëzhgim çdo 15 minuta nga psikologu i Qendrës.
Po ashtu, nga datga 02.11.2021 ka qenë në vëzhgim (observim) çdo 30 minuta, i cili vëzhgim ka vazhduar.
Lidhur me rastin janë njoftuar Policia e Kosovës dhe Prokurori, ndërsa SHKK ka filluar të bëjë hetimet procedurale dhe administrative, gjithashtu është themeluar Komisioni Hetimor Administrativ nga SHKK, i cili do të dal me Raport Administrativ Përfundimtar.
Stafi mjekësor i Stacionarit të Qendrës Korrektuese për Femra në Lipjan ka përgatitur dokumentacionin e nevojshëm lidhur me rastin. Autopsia do të verifikojë shkakun e vdekjes.
