Përroi del nga shtrati, izolohen banorët në Lazarat
Nga OraNews Përditësimi i fundit 27 Dhjetor 2021, 09:34
Moti i keq me reshje intensive shiu ka krijuar probleme në vend.
Kjo është situata mëngjesin e sotëm në fshatin Lazarat ku përroi i Sopotit ka dalë nga shtrati.
Për pasoje prej dy ditësh banorët e lagjes "Lënxat" ndodhen të izoluar nga pjesa tjetër e fshatit.
Rruga Gjirokastër-Sarandë është momentalisht e bllokuar. Në një pjesë të këtij segmeni pranë Bistricës ka rrëshqitje të dheut për shkak të motit me reshje shiu intensive.
Ndonëse ka punonjës të kompanisë që kryen mirëmbajtjen, zhbllokimi i rrugës është i vështirë pasi nevojiten mjete shtesë.
