NATO dhe BE paralajmërojnë Rusinë: Çdo sulm i ri ushtarak në Ukrainë do të ketë pasoja masive

Nga OraNews Përditësimi i fundit 24 Dhjetor 2021, 11:26

Bashkimi Evropian dhe NATO kanë përsëritur mbështetjen e tyre për Ukrainën, e cila kërcënohet nga një ngritje ushtarake në Rusi, një vend fqinj me të cilin ë në konflikt që nga viti 2014.

Në një bisedë telefonike me ministrin e Jashtëm të Ukrainës, Dmitry Kuleba, ministri i Jashtëm i Bashkimit Evropian, Josep Borrell, i bëri sërish thirrje Moskës që të "de-përshkallëzohet" dhe të respektojë sovranitetin dhe integritetin territorial të Ukrainës.

“Ai theksoi se çdo sulm i ri ushtarak në Ukrainë do të kishte pasoja masive dhe kosto të konsiderueshme”, tha anë një deklaratë të publikuar mbrëmë, 23 dhjetor, në Bruksel.

Nga ana e tij, Sekretari i Përgjithshëm i NATO-s, Jens Stoltenberg, pati biseda telefonike për Ukrainën me Sekretarin Amerikan të Shtetit Anthony Blinken, kancelaren gjermane Angela Burbock dhe sekretarin britanik të mbrojtjes Ben Wallace.

Në profilin e tij në Tëitter, Stoltenberg tha se kishte diskutuar me ta implikimet e krizës ruso-ukrainase për sigurinë e aleatëve.

"Ne do të bëjmë ç'është e mundur për të garantuar sigurinë dhe mbrojtjen e të gjithë aleatëve të NATO-s, duke qëndruar të hapur ndaj dialogut me Rusinë," paralajmëroi Stoltenberg.

Më herët, Uashingtoni kishte përmendur bisedën mes Jens Stoltenberg dhe Anthony Blinken, duke këmbëngulur se NATO-ja mbetet "e gatshme për një dialog konstruktiv" me Moskën.

Shtetet e Bashkuara janë të gatshme të "fillojnë një dialog diplomatik" me Rusinë "nga fillimi i janarit", por jo pa kushte, njoftoi sot një zyrtar i lartë i Shtëpisë së Bardhë. Një veprim i mirëpritur nga Moska.

Të martën, 22 dhjetor,  presidenti rus Vladimir Putin kishte ngritur tonet duke bërë thirrje për një "përgjigje ushtarake dhe teknike" nëse kundërshtarët e tij perëndimorë nuk i jepnin fund politikave të tyre kërcënuese.

Në një gjest që thyen natyrën përgjithësisht konfidenciale të bisedimeve diplomatike, Rusia ka paraqitur dy projekt-traktate për të ndaluar çdo zgjerim të NATO-s, veçanërisht në Ukrainë, dhe për t'i dhënë fund aktivitetit ushtarak perëndimor pranë kufirit rus.