Macron fton francezët të bëjnë teste për Covid-in para festave të fundvitit

Nga OraNews Përditësimi i fundit 23 Dhjetor 2021, 14:50

Presidenti francez u ka bërë thirrjeve qytetarëve të bëjnë teste për Covid-in para festave të fundvitit.

Nëpërmjet një postimi në Twitter ai u kërkon qytetarëve të bëjnë teste para se të takohen me të dashurit e tyre para festave të fundvitit.

“Gëzuar festat për të gjithë! Për ata që do të kalojnë festat me familjen e tyre: masat bazë të mbrojtjes (maskë, distanca), testi i Covid dhe, në rast simptomash, karantinim. Për v të gjithë ata që punojnë për t'u kujdesur për ne, për të na mbrojtur: faleminderit. Le të kujdesemi për njëri-tjetrin”, shkroi presidenti francez në Twitter.

Emanuel Macron përsëriti mesazhin e tij në një video në TikTok: "Edhe nëse jeni të vaksinuar, duhet të bëni testin... për t'u siguruar që nuk jeni të infektuar përpara se të takoni familjen tuaj."