"Më shkatërruat jetën" Shpërthen ndaj gazetarëve italiani që shkoi të vaksinohej kundër Covid-19 me krah artificial

Nga OraNews Përditësimi i fundit 7 Dhjetor 2021, 11:35

Burri që tentoi t'i shmangej vaksinimit kundër Covid-19 duke përdorur një krah artificial prej silikoni, pretendon se i është  “shkatërruar” jeta për shkak të publicitetit që mori gjesti i tij.

Guido Rousseau, 57 vjeç, refuzonte të vaksinohej kundër koronavirusit, derisa u shfaq  të enjten e kaluar në një qendër vaksinimi Biella, i pajisur me një krah artificiale silikoni, që në pamje të parë duket mjaft real.

Qëllimi i dentistit italian, sipas Corriere della Sera, ishte të mashtronte infermieren për të bërë vaksinën në krahun e silikonit, në vend të krahut të tij real.

"Largohuni nga këtu. Më shkatërruat jetën," u bërtiti Ruso i zemëruar gazetarëve, që e prisnin jashtë derës së vilës së tij Pettingo .

"Ikni, do  thërras policinë!"

"Unë nuk dua të bëj vaksinën, por më duhet kartoni jeshil për punën," i tha italiani  infermieres Filipa Boa, sipas la Repubblica.