CEO pushon 900 punonjës me një telefonatë tre minutëshe në Zoom, i akuzon për 'vjedhje'

Nga OraNews Përditësimi i fundit 6 Dhjetor 2021, 17:41

CEO i Better.com, Vishal Garg, pushoi nga puna 900 punonjës me një telefonatë në Zoom , duke shkaktuar pikëllim dhe një reagim të ashpër në mediat sociale. 

Biznesmeni indo-amerikan përmendi reduktimin e efikasitetit të tyre dhe reduktimin e produktivitetit si arsye për shkarkimin. 

“Ky nuk është një lajm që ju do të dëshironi të dëgjoni… Nëse jeni në këtë telefonatë, ju jeni pjesë e grupit të pafat që po pushohet nga puna. Punësimi juaj këtu ndërpritet menjëherë,” citohet të ketë thënë Garg, sipas një videoje të zbuluar.

Numri i punonjësve të pushuar nga puna është 9% e totalit të personelit të kompanisë, e cila është aktive në fushën e hipotekave. 

Një nga punonjësit, i cili humbi punën pak para Krishtlindjeve, regjistroi thirrjen në grup dhe e postoi në rrjetet sociale. 

Thirrja, gjatë së cilës u pushuan nga puna 900 persona, “zgjati” rreth tre minuta. 

“Është hera e dytë në karrierën time që bëj një gjë të tillë dhe nuk dua ta bëj. Herën e fundit kam qarë. Tani, shpresoj të jem më i fortë”, citohet të ketë thënë biznesmeni indo-amerikan. 

CEO më ​​vonë u shpall si autor anonim i një postimi të ashpër në blog që goditi punonjësit e Better.com në rrjetin profesional Blind.

“Ju djema e dini se të paktën 250 nga personat e pushuar  punonin mesatarisht 2 orë në ditë ndërsa punonin 8 orë+ në ditë në sistemin e listës së pagave?Ata po vidhnin nga ju dhe po vidhnin nga klientët tanë që paguajnë faturat tona. Arsimohuni”

Garg konfirmoi për Fortune se ai është autori i postimit të ashpër.

Mirëpo, kjo nuk është hera e parë që ky CEO shkakton reagime të forta. 

Ai ishte kritikuar më parë për një email që u dërgoi punëtorëve duke i akuzuar ata se ishin "shumë të ngadaltë, një tufë delfinësh budallenj".