Dozë e tretë e vaksinës kundër Covid për të gjithë të rriturit në Norvegji
Nga OraNews Përditësimi i fundit 12 Nëntor 2021, 14:26
Norvegjia planifikon të ofrojë dozën e tretë të vaksinës për të gjithë të rriturit, 18 vjeç e lartë.
“Secilit person 18 vjeç e lart do t’i ofrohet doza e tretë e vaksinës vitin e ardhshëm”, tha sot (12 nëntor) kryeministri Jonas Gahr Stoere në një konferencë për mediet.
Norvegjia deri më tani ka dhënë dozën e tretë të vaksinës për personat 65 vjeç e lartë.
Ndërsa 87% e të rriturve në Norvegji kanë marrë të paktën dy doza vaksinash kundër COVID-19, infeksionet dhe shtrimet në spital po shtohen dita ditës.
Norvegjia përdor vaksinat e prodhuara nga Pfizer/BioNTech dhe Moderna. Prej shtatorit, Norvegjia ka nisur vaksinimin e të gjithë personave 12 vjeç e lart.
