Zjarri në një shkollë fillore në Nigeri vret 25 nxënës
Nga OraNews Përditësimi i fundit 9 Nëntor 2021, 22:22
Të paktën 25 fëmijë të një shkolle fillore humbën jetën kur klasat e tyre me çati prej kashte morën flakë në jug të Nigerisë, tha Këshilli i Ministrave në një deklaratë.
Katërmbëdhjetë fëmijë të tjerë u plagosën, përfshirë pesë në gjendje kritike, thuhet në deklaratë. Shkolla është në qytetin Maradi, më shumë se 600 kilometra në lindje të kryeqytetit Niamey.
"Për momentin nuk e dimë origjinën e zjarrit," tha drejtori i shkollës.
Mësimi është ndërprerë dhe qeveria ka shpallur 3 ditë zie në Maradi. Është hera e dytë këtë vit që një zjarr vret nxënës në klasat e tyre në Afrikën Perëndimore. Njëzet fëmijë humbën jetën nga zjarri në prill në qytetin e Niamey.
Këshilli i Ministrave tha të hënën se pas dy incidenteve, klasat parashkollore nuk duhet të zhvillohen në klasa me çati kashte.
