Mediet greke publikojnë pamjet e vrasjes së shitësit në Selanik: Autori është shqiptar
Nga OraNews Përditësimi i fundit 8 Nëntor 2021, 13:36
Një shqiptar është arrestuar nga policia greke me akuzën e vrasjes së një shtetasi grek në orët e para të së shtunës, 6 nëntor në Toumpa të Selanikut.
Mediet greke shkruajnë se bashkëpunëtori i tij është arrestuar mbrëmjen e djeshme.
Sipas informacioneve, autori është arrestuar në shtëpinë e tij mëngjesin e sotëm, 8 nëntor.
Sipas thestival, autori është një shtetas shqiptar 27 vjeç, ndërsa bashkëpunëtori shtetas grek 35 vjeç.
Videoja të cilën e disponon Departamenti i Krimeve kundër Jetës në Drejtorinë e Sigurimit të Selanikut tregon autorin i cili largohet nga vendi i ngjarjes dhe takohet me bashkëpunëtorin e tij, i cili dyshohet se ka luajtur rolin e rojës.
Ndërkohë, në një foto të publikuar nga Mega, burri që thuhet se është vrasësi i 44-vjeçarit mban në dorën e djathtë një qese të madhe plastike.
Në njoftimin zyrtar të Drejtorisë së Përgjithshme të Policisë së Selanikut thuhet se autori ka goditur me dorezën e armës në kokë 44-vjeçarin, i cili ka vdekur për shkak të plagëve në kokë.
