Mesazhi i Biden: Pse është e rëndësishme të vaksinohen fëmijët e moshës 5-11 vjeç

Nga OraNews Përditësimi i fundit 4 Nëntor 2021, 07:54

Presidenti amerikan, Joe Biden, ka njoftuar se  deri në javën e ardhshme do të ketë mjaftueshëm  vaksina kundër Covid-19 për fëmijët dhe se këto vaksina do të jenë të disponueshme në rreth 20,000 vende në të gjithë vendin.

Shtetet e Bashkuara do nisin vaksinimin e fëmijëve të moshës 5 deri në 11 vjeç, menjëherë pas  miratimit përfundimtar të autoriteteve shëndetësore amerikane.

Joe Biden, në një mesazh, shpjegoi pse është e rëndësishme të mbrohen fëmijët me vaksinën Pfizer.

"Për prindërit dhe kujdestarët e fëmijëve mbi moshën pesë vjeç: ju lutemi vaksinoni fëmijët. Fëmijët përbëjnë një të katërtën e rasteve me koronavirus në Shtetet e Bashkuara. "Vaksina do t'i mbrojë ata dhe të tjerët, do të ndihmojë në ndalimin e përhapjes, do të na ndihmojë të përballemi me pandeminë, " shkroi presidenti amerikan në Twitter.

Komiteti shkencor i Qendrës Amerikane për Kontrollin dhe Parandalimin e Sëmundjeve paraqiti zyrtarisht rekomandimin e tij pozitiv për  miratimin e vaksinës Pfizer  për fëmijët e moshës 5-11 vjeç , në SHBA.

Pak ditë më parë,  Administrata Amerikane e Ushqimit dhe Barnave  (FDA) dha dritën jeshile , me masën e miratimit që po shqyrtohet nga komuniteti shkencor, një tjetër hap thelbësor drejt ndërtimit të një muri më të fortë imunitar.

Vaksinimi i fëmijëve mund të fillojë brenda një jave, ndoshta që të mërkurën, pas lejes standarde të CDC. Miratimi zyrtar nga FDA është dhënë të premten, pas rekomandimit të komisionit kompetent të Agjencisë.

Në një konferencë për shtyp në internet koordinatori i Shtëpisë së  Bardhë , Zayenz , u tha gazetarëve se ka filluar procesi i dërgimit të  15 milionë dozave  të vaksinës së koronavirusit  Pfizer  për fëmijët e kësaj grupmoshe./Ora News/