Babai dhe fëmija humbin gjymtyrët gjatë luftës në Siri, fotografia e tyre nis mbledhjen e fondeve
Nga OraNews Përditësimi i fundit 30 Tetor 2021, 08:08
Çmimet Siena, një festival i arteve pamore në vazhdim në qytetin toskan, ka nisur një mbledhje fondesh për të ndihmuar Munzirin dhe Mustafën, babë e bir pa gjymtyrë të përjetësuar në fotografinë me titull "Vështirësitë e jetës".
Fotografi Mehmet Aslan, e ka kthyer në një imazh simbolik të dramës siriane.
Fotoja, e cila fitoi Sipa 2021, bëri xhiron e botës, “falë ngarkesës emocionale që ndihet – nënvizuan çmimet Siena - duke parë Munzirin dhe Mustafën" të portretizuar "në një përqafim dhe një buzëqeshje që shkojnë përtej aftësisë së kufizuar për shkak të luftës në Siri dhe pasojat e saj sociale dhe shëndetësore”.
Qëllimi i mbledhjes së fondeve është të ndihmojnë në ndryshimin e jetës së Munzirit dhe Mustafës, t'u japë atyre një të ardhme dhe të ringjallë vëmendjen në dramën ndërkombëtare të Sirisë.
Munzir humbi këmbën e tij të djathtë nga një bombë e hedhur ndërsa ai po ecte në një Pazar, në Idlib, Siri, ndërsa djali i tij Mustafa lindi pa gjymtyrët e poshtme dhe të sipërme. Keqformimi u shkaktua nga substanca e marrë nga nëna Zeynep, që ishte shtatzënë kur ndodhi shpërthimi në Siri, edhe nga gazinervor.
Mustafa në të ardhmen do të ketë nevojë për proteza elektronike të cilat për fat të keq, nuk janë ende të disponueshme në Turqi për momentin.
Çdo financim i tepërt do të dhurohet për Mjekët pa Kufij dhe do të synojë një program rehabilitimi dhe mbështetjeje për njerëzit që kanë pësuar gjymtime për shkak të luftës në Siri.
Mbledhja e fondeve u hap në platformën GoFundMe për të kontribuar.
