U gjet i vdekur, dyshohet se u vra nga shefi dhe më pas u varros në gropën septike

Nga OraNews Përditësimi i fundit 27 Tetor 2021, 19:30

Një trup që besohet të jetë i një njeriu të zhdukur në Oklahoma që nga shtatori, u gjet të enjten dhe shefi i tij është akuzuar për vrasjen e tij.

Të dhënat e reja gjyqësore të paraqitura në Logan County të hënën detajojnë se si një anëtar i familjes së Brent Mack, 50 vjeç, e raportoi atë të zhdukur më 28 shtator.

Pala raportuese i tha policisë Guthrie se askush nuk e kishte parë apo dëgjuar Mack që nga 20 shtatori. Ky person thuhet se kontaktoi me shefin e Mack, Dan Triplett, 66 vjeç, i cili drejtonte një biznes instalimi të gropave septike.

Oficerët pretendojnë se Triplett e vrau Mack-un në një kantier pune. Sipas hetimeve të policisë, Triplett e shkarkoi Mack-un më 20 shtator dhe i dha 1000 dollarë. Triplett u tha hetuesve se më pas e kishte takuar Mack në një lavanderi në Guthrie.

Megjithatë, në videon e mbikëqyrjes jashtë lakanderisë më 20 shtator, kamioni i Triplett-it shihet duke lëvizur pranë, por jo duke ndaluar.

Në fillim të hetimit, Triplett ka thënë se donte të ndërpriste lidhjet me Mack për shkak të sjelljes së tij të dhunshme.

Kur u pyet se çfarë pune kishte përfunduar më 20 shtator, Triplett dha një adresë në veri të Crescent. Megjithatë, pronari i pronës u tha agjentëve se gropa septike dhe linjat anësore të instaluara nga Triplett ishin përfunduar më 8 shtator.

Pronari i pronës, sipas dokumenteve të gjykatës, shtoi se një mashkull i zi po punonte gjithashtu me Triplett dhe kujtoi se dy burrat po debatonin.

Pasi morën një urdhër kërkimi për shtëpinë dhe automjetin e Triplett, hetuesit gjetën një ditar të vendeve të punës.

Ata gjetën një regjistrim që tregonte se Triplett kishte instaluar një sistem septik në Mulhall më 20 shtator, në të njëjtën ditë kur Mack u pa për herë të fundit.

Njerëzit që jetonin në shtëpinë në Mulhall kishin pamjet e vëzhgimit të Mack dhe Triplett duke punuar në vendin e punës.

Hetuesit thonë se Mack u zhduk nga pamja e kamerës kur zbriti në vrimën që po hapej për vendosjen e gropës septike. Policia vuri në dukje se ai nuk u pa më në filmime pasi u zhduk në vrimë.

Pamjet treguan gjithashtu dy persona duke mbërritur në vendin e punës, por vetëm një person u pa duke u larguar.