Përkthyesi që shpëtoi Biden në vitin 2008 largohet nga Afganistani bashkë me famijen
Nga OraNews Përditësimi i fundit 12 Tetor 2021, 08:42
Një përkthyes afgan, i cili e ndihmoi senatorin e atëhershëm amerikan, Joe Biden, të dalë nga një stuhi bore në Afganistan, ka arritur të largohet nga vendi së bashku me familjen e tij.
Në vitin 2008, stuhia e borës detyroi helikopterin ushtarak që transportonte Bidenin, tani president i SHBA-së, dhe ligjvënës të tjerë amerikanë, të uleshin në një luginë ku ishin në rrezik nga sulmet.
Aman Khalili ishte në mesin e punonjësve afganë të Qeverisë amerikane që e dërguan grupin në një rajon të sigurt.
Pre muajit gusht kur talibanët kanë marrë kontrollin e Afganistanit, Khalili ka kërkuar ndihmë për t’u larguar.
Ai tani u është bashkuar mijëra afganëve që kanë ikur nga vendi i tyre, për të mos jetuar nën regjimin taliban.
Një përfaqësues i Departamentit amerikan të Shtetit konfirmoi për BBC-në se Khalili dhe familja e tij “janë larguar në mënyrë të sigurt nga Afganistani”, me “angazhimin dhe mbështetjen e SHBA-së”.
