Video/ U ndalën me motoçikletë për të vjedhur çiftin në rrugë, e pësojnë hajdutët. Përplasen me makinë nga pas
Nga OraNews Përditësimi i fundit 4 Tetor 2021, 20:26
Ky është momenti tronditës kur një shofer makine përplasi qëllimisht dy hajdutë që ishin në motoçikletë dhe po përpiqeshin të grabisnin një çift në mes të ditës.
Besohet se 2 personat që udhëtonin me motoçikletë ishin përpjekur të grabisnin shoferin e makinës tip "SUV" para se ai t'i ndiqte dhe t'i përplaste.
Incidenti u filmua nga kamerat e sigurisë në zonën Campo Limpo të qytetit brazilian të Sao Paulos rreth orës 14:00 të 2 tetorit.
Nga pamjet shihet se hajdutët e maskuar në një motor i drejtojnë armën një çifti në rrugë.
Më pas, dyshja me motor përplasen nga makina e bardhë shoferin e së cilës kishin tentuar ta grabisnin më parë.
Nga përplasja hajdutët kanë marrë lëndime, por ata arritën që të largohen nga vendi i ngjarjes me motoçikletë.
Sipas policisë është arrestuar një person si i dyshuar për ngjarjen, ndërsa shoferi i makinës deklaroi se ishin përpjekur ta vidhnin para se t'i drejtonin armën çiftit në rrugë.
Policia ka konfirmuar se po vazhdon kërkimet për të gjetur të dyshuarin e dytë./OraNews/
