"Dukej sikur kishte diçka në goma," avioni shpërthen në flakë gjatë uljes
Nga OraNews Përditësimi i fundit 1 Tetor 2021, 11:24
Një avion ka marrë flakë gjatë uljes në Britaninë e Madhe. Avioni tip Boeing 747 mori flakë pas një uljeje të dështuar në Aeroportin East Midlands.
Gomat e avionit shpërthyen në flakë mbrëmjen e së enjtes, 30 shtator, pasi u nisën nga Leipzig në Gjermani.
Imazhet tronditëse tregojnë se rrotat e avionit marrin flakë në momentin e uljes në tokë.
Një dëshmitar i incidentit deklaroi se avioni dukej sikur kishte diçka në rrota në momentin e uljes.
Dëshmitari tha gjithashtu se ata dëgjuan një zhurmë të fortë sapo avioni ishte ulur.
Nga incidenti mësohet se nuk ka persona të lënduar. /OraNews/
