Albin Kurti i uron mirëseardhjen kryeministrit Rama, mbledhja e përbashkët në mes të nëntorit
Nga OraNews Përditësimi i fundit 27 Shtator 2021, 10:42
Kryeministri Edi Rama dhe Albin Kurti ndodhen në Konferencë të përbashkët për median.
Mbledhja e përbashkët e dy qeverive do të mbahet në mes të nëntorit.
Duke i uruar “Mirëseerdhe kryeministër Edi Rama” Kurti I dha fjalën Edi Ramës.
Albin Kurti: Ne duhet të rrisim bashkëpunimin për më shumë drejtësi, barazi, zhvillim e mirëqënie për shqiptarët në të gjithë rajonin. Ndërlidhja mes dy vendeve për heqjen e barrierave që shkaktojnë vështirësi e pengesa mes nesh është e domosdoshme.
Do të punojmë që tregu të jetë sa më unik. Kosova e Shqipëria duhet ta bëjë këtë sa më shpejt.
U zotuam që e shohim tejet të rëndësishëm koordinimin dhe sinkronizimin gjithandej. Biseduam për avancimin e zbatimit të marrëveshjeve mes dy vendeve tona. Janë nënshkruar 150 marrëveshje e memorandume
Do të nisin përgatitjet për mbledhjen e epërbashkët të dy qeverive që të jetë në gjysmën e dytë të muajit nëntor.
U dakordësua që të ngrihet dhe një sekretariat koordinues për marrëdhëniet tona bilateral që do të udhëhiqet nga Gentian Sala me dy pasaporta, atë të Shqipërisë dhe Kosovës.
