Ulërima dhe panik/ Video tronditëse nga tërmeti i fortë në Kretë, 1 viktimë dhe 9 të plagosur

Nga OraNews Përditësimi i fundit 27 Shtator 2021, 10:33

Një tërmet me madhësi 5.8 Rihter  ka goditur Kretën mëngjesin e sotëm, duke shkaktuar  1 viktimë dhe  9 të plagosur deri më tani.

 Mediet greke raportojnë se viktima ishte bllokuar në kishën e Profitis Ilias në Arkalochori bashkë me dy persona të tjerë që kanë arritur të shpëtojnë.

Gjithashtu  më shumë se 1.000 ndërtesa kryesisht prej guri në Arkalochori dhe zonat fqinje konsiderohen të papërshtatshme, sipas vlerësimeve fillestare, pas tërmetit të fortë që ndodhi, sot, të hënë, në orën 9:17 në Kretën lindore, në Arvi.