Nga e hëna në RTV Ora, Luan Rama premton: Shikuesi do të gjejë "Drejt" atë që e gjen shtrembër diku tjetër
Nga OraNews Përditësimi i fundit 25 Shtator 2021, 15:10
Tashmë gjithcka është gati.Nga e hëna e 27 shtatorit 2021 starton në RTV Ora emisioni më i ri “Drejt”. Nën drejtimin e Luan Ramës vjen për publikun shqiptar një program i cili do të mbërthejë teleshikuesit përballë ekranit çdo të hënë dhe të enjte në orën 21:00.
Luan Rama ka zgjedhur që ti rikthehet profesionit të tij të parë si gazetar. Një studio e re dhe me teknologjinë më të fundit, një staf i përkushtuar dhe me mbështetje të pakursyer nga drejtuesi i televizionit, emisioni Drejt synon që të trajtojë temat më të rëndësishme që prekin jetën e qyetarëve shqiptar.
Tashmë janë vetëm përgatitjet e fundit dhe të hënën e 27 shtatori të gjithë duhet të ndjekin “Drejt” në RTV Ora me Luan Ramën.
"Emisioni Drejt do të krijojë identitet që do i bëjë shikuesit të gjejë në "Drejt" atë që e gjejnë shtrembër diku tjetër ose atë që nuk e gjejnë drejt siç e duan ata. Do të jetë "Drejt" siç e kërkon etika profesionale, ekrani dhe në fund të fundit interesi i qytetarit. Do synojmë të joshim qytetarin në një emision ku temat do të jenë më të larmishme. Jo vetëm tema politike"
Jo vetëm politikë dhe debat, por duke trajtuar edhe atë cka të tjerët e anashkalojnë, në emisionin “Drejt” nga Luan Rama të gjithë do të gjejnë të trajtuar sic duhet problematikat e tyre.
