“Pa të mirën time nuk ka kuptim jeta”, burri vret të dashurën dhe më pas vetëvritet
Nga OraNews Përditësimi i fundit 22 Shtator 2021, 22:31
Ishulli Rodos në Greqi është tronditur pasditen e sotme nga një krim i dyfishtë. Mediet bëjnë me dije se një person ka vrarë të dashurën e tij dhe më pas veten.
Vrasja ndodhi në "Moskhas Street" në Rodos të mërkurën pasdite, 22 shtator kur 40-vjeçari ekzekutoi 32-vjeçaren e cila ishte mësuese dhe më pas vrau veten me të njëjtën armë.
Sipas Mega, autori i vrasjes dhe vetëvrasjes la një shënim ku shkruhej: "Pa të mirën time, nuk ka kuptim të jetoj".
Banorët e zonës thanë se vajza jetonte pranë vendit ku ndodhi ngjarja dhe sot ajo kishte parkuar makinën në Rrugën e Moskës.
Dyshohet se vrasësi e priste atë disa metra më tutje me një makinë të cilën e kishte marrë me qira. Kur vajza u përpoq të hipte në makinë, ai tërhoqi këmbëzën dy herë, duke e lënë të vdekur në vend, shkruan newsbomb.gr.
