Makina përplaset me barrierën, shqiptari në Gjermani "fluturon" nga dritarja dhe vdes
Nga OraNews Përditësimi i fundit 12 Shtator 2021, 19:14
Një 23-vjeçar nga Mitrovica ka humbur jetën si pasojë e një aksidenti tragjik në Gjermani.
Sipas mediave gjermane i riu nga Mitrovica humbi kontrollin e makinës së tij për arsye të panjohura dhe u përplas në barrierën qendrore.
Sipas Shtabit të Policisë së Pfalzit, 23-vjeçari banues në Regensburg doli nga korsia me makinën e tij për një arsye të pashpjegueshme, pastaj u fut përsëri dhe në fund u përplas.
Sipas policisë, ai nuk mbante rrip sigurimi. Nga goditja e fortë, ai doli nga makina dhe vdiq në vendin e ngjarjes.
Mediat lokale kanë raportuar se rastin e kanë konfirmuar edhe familjarë të 23-vjeçarit në Mitrovicë./Gazeta Ekspres/
