Ushqim dhe serenata, lakrori me dy petë i kthen gjallërinë fshatit në Korçë
Nga Iris Rezhda Përditësimi i fundit 12 Shtator 2021, 13:20
Pas një viti ndërprerje për shkak të pandemisë, është rikthyer në Korçë festa e përvitshme e Lakrorit.
Lakrori me dy petë i përgatitur nga amvisat korçare dhe i pjekur në saç ka bërë bashkë banorët e fshatit Polenë.
Qytetarët korçarë dhe turistë vendas edhe të huaj kanë shijuar gatimin më të veçantë korçar.
Ndër të tjera ky gatim tradicional është traditë e Polenës dhe amvisat e demostrojnë para qytetarëve që në pamje të parë duket i thjeshtë po për tu përgatirur ka sekretet e veta.
Festa e Lakrorit ruan traditën e fshatit Polenë dhe të gjithë zonës së Korçës, ku qytetarët shijuan jo vetëm gatimin tradicional por edhe serenatën korçare.
