Xhaçka dhe ambasadorja Kim vizitojnë familjet afgane te Qytet Studenti
Nga OraNews Përditësimi i fundit 30 Gusht 2021, 23:01
607 qytetarë afgan, burra, gra dhe fëmijë kanë gjetur sot një strehë të sigurt në Shqipëri.
Ministrja e Punëve të Jashtme Olta Xhaçka sëbashku me ambasadoren Kim vizituan sot familjet e vendosura prej 3 ditësh në qendrën akomoduese në Qytetin e Studentit, ndërsa shumë të tjerë janë sistemuar në Durrës dhe Lezhë.
Xhaçka thotë se shumë partnerë e organizata ndërkombëtare po bashkohen çdo ditë në këtë operacion të madh humanitar.
"Krenari për mikpritjen shqiptare!"
Shtetet e Bashkuara të Amerikës kanë njoftuar tërheqjen e trupave të tyre nga Afganistani me një bilanc prej 80,000 civilë nga Kabuli, nga të cilët 6,000 janë civilë amerikanë. Ky evakuim i amerikanëve dhe afganëve që u rrezikohet jeta vjen një ditë përpara afatit përfundimtar që Joe Biden kishte vendosur për tërheqjen e trupave ushtarake.
Largimi i forcave amerikane shënon herën e parë pas gati 2 dekadash që kur SHBA-ja dhe aleatët e saj nuk kanë trupa në Afganistan, pas 2 trilion dollarësh shpenzime dhe gati 2,000 trupave amerikane të vrarë në aksion.
Kjo është shoqëruar me festë nga ana e talebanëve të cilët kanë shtënë në ajër me armë pasi mori fund epoka e ushtrisë Amerikanë në vendin e tyre.
