Ardhja e afganëve në Shqipëri, Blinken falenderon Ramën: Shumë mirënjohës!
Nga OraNews Përditësimi i fundit 20 Gusht 2021, 07:27
Kryeministri Edi Rama ka zhvilluar një bisedë telefonike me sekretarin amerikan të shtetit Antony Blinken pas vendimit të Shqipërisë për të pranuar një grup afganësh .
Lajmi u bë i ditur fillimisht nga zëdhënësi i Departamentit Amerikan të Shtetit, Ned Price i cili njoftoi se Sekretari Blinken dhe kryeministri Rama u konsultuan në lidhje me ofertën e NATO -s bërë Shqipërisë për të pranuar përkohësisht afganët në nevojë.
“Sekretari Blinken falënderoi kryeministrin Rama për vazhdimin e traditës krenare të Shqipërisë për strehimin e njerëzve në nevojë. Sekretari dhe kryeministri riafirmuan partneritetin e ngushtë midis dy vendeve tona” mbyllet njoftimi nga zëdhënësi i DASH-it.
During his call with Albanian PM @ediramaal yesterday, @SecBlinken expressed deep gratitude to the Albanian people for their generous offer to support Afghans in need. https://t.co/fY9gjGwQYS
— Ned Price (@StateDeptSpox) August 19, 2021
Edhe Sektrtari i Shtetit Antory Blinken me anë të një postimi në Facebook e ka konfirmuar bisedën me kryeministrin Rama dhe e ka falenderuar për mbështetjen.
"Faleminderit @ediramaal për ofertën e Shqipërisë për të siguruar strehë të sigurt për afganët në nevojë. Shumë mirënjohës për partneritetin e fortë midis Shteteve të Bashkuara dhe aleatit tonë në NATO," shkruan Blinken në Twitter.
Thank you to @ediramaal for Albania’s offer to provide safe haven for Afghans in need. Very grateful for the strong partnership between the United States and our NATO Ally.
— Secretary Antony Blinken (@SecBlinken) August 19, 2021
