Itali, shqiptar gjen vdekjen pasi shtypet nga makina që po vidhte
Nga OraNews Përditësimi i fundit 11 Gusht 2021, 15:56
Një shqiptar në Itali ka gjetur vdekjen nga makina që po grabiste.
Avni Xhumari, 42 vjeç, ishte një person me precedentë penalë, duke filluar nga grabitja e deri te marrja e mallrave të vjedhura, zënkat e shpërndarja drogës.
Ai u gjet i pajetë nga një kalimtar në agim përmes Montefalco, në rrethin Appio Tuscolano.
"Unë pashë një pellg gjaku që dilte nga një makinë e parkuar para rrugës numër 41" - tha kalimtari për karabinierët në stacionin Tuscolana.
Policia vendase po kërkon për bashkëpunëtorët e mundshëm që do ta kenë braktisur pas aksidentit 42-vjeçarin.
Autoritetet italiane e përjashtojnë vrasjen, ndërsa dyshohet se me të ishte edhe një person me një makinë në rrugë dhe pritej që të vidhnin goma makinash e pjesë këmbimi.
Sipas mjekut ligjor, vdekja e Xhumanit ka ndodhur nga trauma e rëndë e pësuar në pjesën e pasme të kokës.
Pranë trupit, hetuesit konfiskuan një elektrik dore, një smartphone dhe një platformë.
