Kërkon falje kandidati për kancelar që qeshi gjatë vizitës në zonat e përmbytura në Gjermani
Nga OraNews Përditësimi i fundit 18 Korrik 2021, 19:42
Kandidati për kancelar i CDU Armin Laschet kërkoi falje për të qeshurat e tij "të pavend", ndërsa presidenti i Gjermanisë fliste në zonat e goditura nga përmbytjet katastrofike.
Laschet është kandidati kryesor aktual në zgjedhjet e shtatorit. Kandidati për kancelar kërkoi falje, pasi u kritikua ashpër nga qytetarët për gjestin e pavend. Laschet kërkoi falje në Twitter, duke thënë se sjellja e tij kishte qenë "e papërshtatshme".
“Më vjen keq për përshtypjen e lënë. Ishte e papërshtatshme dhe më vjen keq për të. Fati i atyre që preken qëndron në zemrën tonë. Kështu që pendohem edhe më shumë për përshtypjen që lindi nga një situatë bisede", shkruan politikani në rrjetet sociale.
Ich danke dem Bundespräsidenten für seinen Besuch. Uns liegt das Schicksal der Betroffenen am Herzen, von dem wir in vielen Gesprächen gehört haben. Umso mehr bedauere ich den Eindruck, der durch eine Gesprächssituation entstanden ist. Dies war unpassend und es tut mir leid.
— Armin Laschet (@ArminLaschet) July 17, 2021
