Papa fjalim nga ballkoni i spitalit në Romë: E kam ndjerë afërsinë e mbështetjeve dhe lutjeve tuaja
Nga OraNews Përditësimi i fundit 11 Korrik 2021, 17:21
Papa Françesku është shfaqur në publik për herë të pare pas ndërhyrjes që bëri në zorrë të trashë.
Ai është në një gjendje të përmirësuar shëndetësore, për të cilën u shpreh se është i kënaqur dhe e gjitha realizuar falë punës së specialistëve italianë.
Këtë javë ai kishte mundësi të kryente ritualin e së dielës, por ndryshe nga herët e tjera, lutjet i dërgoi nga ballkoni i spitalit Gemelli në Romë.
Gjatë kësaj kohe,Papa gjithashtu nuk harroi t’u shprehte falenderime të gjithë të pranishmëve për mbështetjen e ofruar ndaj tij në këto ditë të vështira.
"Unë jam i kënaqur që jam në gjendje të mbaj takimin e së Dielës (angelus), edhe këtu. Unë e kam ndjerë thellësisht afërsinë tuaj dhe mbështetjen e lutjeve tuaja. Faleminderit nga zemra".
Ende nuk është e ditur se dhe për sa kohë do të zgjasë qëndrimi i tij në spital, por lajmi i mirë është se Vatikani ka konfirmuar përfundimin me sukses të trajtimit të tij për "stenozë divertikulare simptomatike" të zorrës së trashë.
Ky nuk është i vetmi shqetësim shëndetësor i Papës. Veç kësaj ai vuan nga një sëmundje në ije, si dhe në moshën 21 vjeçare ka humbur një pjesë të mushkërisë së tij.
