PD analizë dhe zgjedhje, Basha nis procesin e ristrukturimit të partisë
Nga Everest Dedaj Përditësimi i fundit 18 Qershor 2021, 15:02
Pas rikonfirmimit për një mandat të tretë në krye të selisë blu, Lulzim Basha, do të fusë Partinë Demokratike në një proces të thellë reformimi. Kryesia thirri mbledhjen e Këshillit Kombëtar në 17 korrik për të parë mundësinë e ndryshimeve statutore por dhe për të zgjedhur Këshillin e ri Kombëtar.
Partia Demokratike nisi një proces të thellë reformimi të strukturave të saj.
Kryesia vendosi të mbledhë në 17 korrik Kuvendin Kombëtar, i cili do informohet për analizën e asaj që Partia Demorkatike e quan “masakër elektorale” në 25 prill, si dhe do të vlerësohet mundësia e ndryshimeve statutore.
Gjithashtu Kuvedi Kombëtar do të zgjedhë edhe Këshillin e ri Kombëtar.
Këtij organi, mandati i përfundon vitin e ardhshëm, por duket se nevoja për riorganizim do të prekë këtë strukturë e më pas edhe kupolën drejtuese, duke nisur nga nënkryetrët dhe sekretarët.
Vaksina Curevac jep rezultate të dobëta në teste, reagon Bursa
18 Qershor, 08:53
Në mbledhjen e Kryesisë, Lulzim Basha, u tha demokratëve se muajt e ardhshëm do të jenë të vrullshme për betejat që e pret Partinë Demokratike, ndërsa u ka kërkuar angazhim maksimal për t’i shtrirë dorën e bashkëpunimit çdo qytetari.
“Ne do ta forcojmë dhe thellojmë aleancën me njerëzit dhe grupet e interesit duke i përfshirë ata me shumë në vendimarrje”.
Antari i Kryesisë, Fatbardh Kadilli, i cili kërkoi të sfidojë Bashën në zgjedhjet për kryetar, e cilësoi procesin me rëndësi, ndërsa shpreson që parimet që ai hodhi publikisht të përfshihen si diskutim e më pas në statut nga Kuvendi Kombëtar.
Kryesia e Partisë Demokratike miratoi edhe komisionin e përhershëm statutor , i përbërë nga Sekretari i Përgjithshëm Gazmend Bardhi, dy nënkryetarët Paloka e Spaho, dy kryetarët e organizatave partnere, Lidhja e Gruas dhe Forumi Rinor, Albana Vokshi dhe Belind Këlliçi, si dhe anëtarët e Kryesisë, Enkelejd Alibeaj, Jorida Tabaku, Eno Bozdo dhe Grida Duma.
