Makina përplas këmbësorin në Lungomare, dërgohet me urgjencë në spital

Një aksident ka ndodhur në Lungomare, Vlorë.

Personi ka qenë duke kaluar rrugën kur është goditur nga automjeti.

Sipas njoftimit të bluve, ngjarja ka ndodhur rreth orës 08:36 ku automjeti me drejtues shtetasin A.M, 34 vjeç ka aksidentuar këmbësorin me iniciale N. L, rreth 55 vjeç, i cili ndodhet në spitalin e Vlorës, jashtë rrezikut për jetën.

Drejtuesi i mjetit është shoqëruar në komisariatin e Vlorës, ndërsa grupi hetimor ndodhet në vendin e ngjarjes dhe po punon për zbardhjen e plotë të rrethanave.