Humbi kontrollin e automjetit, ndërron jetë 41-vjeçari shqiptar në Greqi
Nga OraNews Përditësimi i fundit 2 Maj 2021, 15:27
Një 41-vjeçar shqiptar ka humbur jetën në mënyrë tragjike në zonën e Imathia në Greqi.
Ditën e premte në mesditë, ai po drejtonte automjetin në rrugën provinciale Alexandria – Giannitsa, kur humbi kontrollin dhe doli nga rruga.
Makina e drejtuar nga 41 vjeçari u përmbys dhe i shkaktoi plagë të rënda, të cilave nuk mundi t'i mbijetonte.
Hetimi paraprak për shkaqet e sakta të aksidentit po kryhet nga Departamenti i Policisë së Aleksandrisë, raportojnë mediet greke.
