E Premtja e Madhe: Pse të krishterët janë në ditë zie sot

Nga OraNews Përditësimi i fundit 30 Prill 2021, 12:25

E Premtja e Madhe është ditë zie absolute për besimtarët ortodoksë, është  kulmi i Dramës Hyjnore, është dita e Kryqëzimit të  Krishtit. Të krishterët, sot, janë në ditë zie dhe sipas traditës atyre nuk iu lejohet të bëjnë asnjë punë, siç është pastrimi i shtëpisë apo punët e kopshtarisë. Kjo ditë simbolizon sakrificën e Krishtit për njerëzimin. Ai u kryqëzua për të shpëtuar njerëzimin dhe për të dhënë shembullin e shpresës dhe mëshirës në Tokë.

Siç njihet, termi "Pashkë" vjen nga fjala hebraike "Passover", që do të thotë "kalim", është festa "përkujtimore" e hebrenjve që i referohet "kalimit të Jobit" në Egjipt për të shfarosur fëmijët e parë të Egjiptianëve që i mbanin skllevër pasardhësit e Jozefit dhe vëllezërve të tij. Sipas kalendarit tyre Hënor, hebrenjtë festojnë Pashkën gjatë muajit Nisan, që në hebraisht do të thotë " koha kur gjithçka është e gjelbër". Ky muaj është  gjithashtu muaji i parë i vitit hebre dhe fillon pak para ekuinoksit pranveror në ditën e shfaqjes së Hënës së Re, pasi muajt hebrenj nuk përcaktoheshin nga një kalendar i konkret, por sipas fazave të Hënës. Kjo është arsyeja pse festa e Pashkës u festua nga Judenjtë në ditën e 15 të muajit Nisan, domethënë në ditën e Hënës së parë, të plotë të pranverore.

Si u caktua dita e  kremtimit të  Pashkës?

Këshilli i Parë Ekumenik, në Nikenë në Bitini në vitin 325, pas Lindjes së Krishtit, përcaktoi ditën  e festës së Pashkës. Ky vendim njihet si "Marrëveshja e Nikesë ".

Sipas marrëveshjes "Pashkët duhet të festohen të Dielën e parë pas Hënës së parë të plotë pranverore dhe nëse Hëna e plotë ndodh të dielën, atëherë Pashka duhet të festohet të dielën tjetër, në mënyrë që të mos përkojë me kremtimin e Pashkës Hebraike."  Kremtimi i Pashkëve ishte i lidhur drejtpërdrejt me ekuinoksin pranveror.

Siç shkruan Kryepiskopi Christodulos ”. .. vlen të përmendet se në Këshillin e Parë Ekumenik,nuk u përcaktua  dita e kremtimit të Pashkës. Nuk u caktua dita dhe muaji sipas Kalendarit Julian, por u caktua sipas ekuinoksit pranveror, domethënë u vendos sipas ekuinoksit jo sipas datës dhe kjo sepse me rëndësi nuk është data, por ekuinoksi.» Pra, për të gjetur datën e festës së Pashkës, mjafton të dimë se cila është dita e Hënës së parë  të plotë pranverore dhe më pas të gjejmë të Dielën e parë që pason.