Vdes papritur mjeku rus që trajtoi Alexey Navalnyn pas helmimit
Nga OraNews Përditësimi i fundit 5 Shkurt 2021, 07:43
Një mjek në spitalin rus, ku lideri i opozitës Alexey Navalny u trajtua menjëherë pasi u helmua, ka vdekur, tha spitali të enjten.
Sergey Maximishin, i cili ishte zv. mjeku kryesor i spitalit të urgjencës në Omsk, vdiq "papritmas" në moshën 55 vjeç, sipas një deklarate të lëshuar nga spitali.
"Me keqardhje, ju informojmë se ... zëvendës mjeku kryesor për anesteziologji dhe reanimacion të spitalit të urgjecës nr.1, asistent i departamentit të Universitetit Shtetëror Mjekësor të Omsk, PhD i shkencave mjekësore, Maksimishin Sergey Valentinovich papritmas ndërroi jetë", - tha spitali në një deklaratë, e cila nuk përmendte një shkak të vdekjes.
Navalny u pranua fillimisht në njësinë akute të helmimit të spitalit emergjent nr.1 të Omsk më 20 gusht, pasi u sëmur nga ekspozimi ndaj lëndës Novichok në një aeroplan që po udhëtonte nga Siberia në Moskë.
Aeroplani bëri një ulje emergjente në Omsk. Maximishin nuk dha asnjë njoftim për shtyp në kohën e shtrimit në spital të Navalny.
Si zv. mjeku kryesor i spitalit për anesteziologji dhe reanimacion, ai ishte një nga mjekët më të vjetër në spital.
Navalny u fut në një gjendje kome dhe më pas u evakuua në kryeqytetin gjerman të Berlinit, ku ai kaloi pesë muaj duke u rikuperuar nga helmimi.
Pasi u kthye në Rusi, ai u fut në burg këtë javë për shkelje të kushteve të provës të një dënimi të mëparshëm.
Vendimi nxiti një reagim të shpejtë jashtë vendit, duke përfshirë SH.B.A.
Navalny fajëson për helmimin e tij mbi shërbimet ruse të sigurisë dhe vetë Presidentin Vladimir Putin, akuza që Kremlini i ka mohuar në mënyrë të përsëritur.
