Mafia italiane në Tiranë, reagon Bardhi: Shërbëtori i Ndragheta duhet të ishte përpara SPAK
Nga OraNews Përditësimi i fundit 23 Janar 2021, 17:35
Sekretari i Përgjithshëm i Partisë Demokratike, Gazment Bardhi reagon lidhur me përgjimet e zbardhura nga RTV Ora dhe Ora News dhe që flasin për lidhjet e mafias italiane në Shqipëri.
Bardhi ka thënë se Veliaj duhet të shkojë përpara SPAK-ut dhe jo të mashtrojë qytetarët, teksa shton se drejtësia është më afër se kurrë.
“Shërbëtori i organizatës mafioze Ndragheta duhet të ishte sot përpara SPAK dhe jo duke mashtruar qytetarët! Erion Veliaj e ka shndërruar Bashkinë e Tiranës në lavatriçe të pastrimit të parave të pista të mafias.
Përgjimet e Antimafias italiane provuan edhe njeherë pushtetin e kalbur, nga korrupsioni dhe bashkëpunimi me mafian, të Edi Ramës dhe Erion Veliajt.
Ne e kemi në dorë të bëjmë drejtësi më 25 prill. Dita po vjen dhe drejtësia është më afër se kurrë më parë”, shkruan Bardhi.
