Reshjet intensive rikthehen të enjten, gjejnë nën Shkodrën ende nën ujë

Nga OraNews Përditësimi i fundit 19 Janar 2021, 10:29

Kur pritet që reshjet e shiut të rifillojnë të enjten, Nënshkodra vijon të ketë mbi 1400 ha tokë nën ujë.

Nga monitorimi periodik në terren ditën e sotme, 19 janar 2021 08.30, situata e përmbytjeve në terren vazhdon të jetë me 14070 ha tokë nën ujë.

Ndërkohë raportet meteorologjike parashikojnë se për periudhën 22-26 Janar 2021 priten rreshje intensive shiu, në të tre basenet e kaskadës së lumit Drin dhe për pasojë prurjet në Hec Fierzë, Koman dhe Vau Dejës priten të rriten ndjeshëm.

LEXO EDHE:  Sot në 21:00 Rtv Ora dhe Notto sjellin sondazhin e parë kombëtar

Kooporata Elektroenergjetike Shqiptare përmes një njoftimi për shtyp informoi sot se Sekretariti Teknik i Komisionit të Posaçëm të Trajtimit të Plotave vijon punën në marrjen e masave paraprake për ti paraprirë situatës që pritet të vijë në ditët në vijim.

“Shkarkimet e kontrolluara në Hec Vau Dejës  u rritën nga 300 m3/s në 700 m3/s me synim parandalimin e shkarkimeve të medha në momentet e pikut të prurjeve natyrore.

Shkarkimet do të menaxhohen me kujdes duke ndjekur në dinamikë zhvillimet meteorologjike. Bazuar në informacionin aktual të prurjeve, shkarkimet nuk do të kenë ndikim në zonën e nën-Shkodrës.”

Hidrometri i Liqenit të Shkodrës në orën 08.30,shënon kuotën 8.42 m.(Kuota max 8.70 m). Në krahasim me një ditë më përpara kuotat janë të padryshuara.

Hidrometri i lumit Drin në orën 08.30,shënon kuotën 6.95m. (Kuota max 7.50 m). Në krahasim me një ditë më përpara kuotat janë të padryshuara.

Vazhdon të jetë e bllokuar rruga për në Obot për mjetet e ulëta. Rruga e Obotit është e kalushme vetëm  me mjete të larta. Niveli i ujit mbi rrugë arrin rreth 90cm.

Ujesjellesi Oblika 1 si pasojë e përmbytjeve është jashtë funksionit.

Sipërfaqja e tokës bujqësore e përmbytur vlerësohet në 950 Ha, kryesisht në fshatrat Obot, Muriqan,Oblikë

Në Dajç sipërfaqja e tokës bujqësore e përmbytur vlerësohet në 480 Ha, kryesisht në zonën e quajtur “Këneta e Dajçit” (fshatrat  Dajç,Mushan,Shirq,Suka-Dajç,Pentar,Darragjat

Në Guri i Zi vazhdon gerryerja e tokës bujqësore nga lumi Drin në vendin e quajtur Mali i Vukatanit, fshati Ganjollë.

Në Velipojë sipërfaqja e tokës bujqësore e përmbytur vlerësohet në 30 Ha, kryesisht në fshatrat Ças,Reç (këneta Reçit),Baks i Ri,Luarz.

Në Bërdicë vazhdon gërryerja e tokës bujqësore nga lumi Drin në vendin e quajtur Harku i Bërdicës, fshati Bërdicë e Sipërme.

Në Rrethina sipërfaqja e tokës bujqësore e përmbytur vlerësohet në 10 Ha, në fshati Zyes

.