"Urdhëro Shefo/ Ku e keni planin sot..." Ora News zbardh përgjimet që futën në grackë grupin e Skraparit

Nga OraNews Përditësimi i fundit 9 Janar 2021, 16:34

Përgjimet dhe kanabisi i sekuestruar është prova më e fortë e prokurorisë për 23 anëtarët e grupit që u arrestuan në Skrapar. Ata kishin krijuar një rrjet të mirëfilltë, që nga infrastruktura, marrja e informacioneve si dhe koordinimi për të fshehur drogën. Lëndë narkotike ishte mbjellë mes bimëve medicinale dhe parcelave me fruta perime, ndërsa për ruajtjen përdoreshin magazina dhe stalla bagëtish. Trafikantët u ndihmuan nga 4 punonjës policie të cilët koordinoheshin për të shmangur kontrollet në parcelat e trafikantëve.

Në dosjen e organit të akuzës janë të zbardhura përgjimet mes personave te cilët kryenin vjedhjen e lëndës narkotike nga personat të cilët e kishin kultivuar. Të përfshirë në grabitjen e drogës janë Altin Sula, Redian Shimi, Myftar Sula, Nertil Dyrmishi.

Këto persona në bashkëpunim me njëri tjetrin i kryenin grabitjet në kohën kur canabisi ishte pjekur dhe ishte koha e korrjes. Në dosjen e prokurorisë thuhet se Shimi ka pasur rolin që të zbulonte parcelat e kanabisit të gjente armët dhe më pas sinjalizonte miqtë e tij për të kryer grabitjen.

Në dosje është zbardhur një përgjim i Altin Sulës, i cili komunikon më një person të paidentifikuar akoma nga prokuroria.

Më poshtë është biseda e zbardhur.

B: personi i paidentifikuar

Altini: alo

B- Ça po Ben oo

Altini: Hiç ja po iki për Fier

B: Ça do bësh andej

Altini: Do haj ndonjë fik...vapë e madhe.

B: Ktej është më lart është më nxehtë...ça po bën

Altini: Ja punë Shqipërie

B: Po vete në punë?

Altini: Po vete o aq punoj unë 4 orë.

B: Po pse? A po aq s’ka punë?

B: Ej, të gjitha muhabetet që kemi bërë bashkë vjen mi thotë Xhevua te shtëpia

Altini- Xhevua? Për çfarë?

Personi i paidentifikuar i tregon Altini të gjitha detajet që i tha personi tjetër të cilit i thërrasin Xhevo.

B: Për ato...që mora 7 copë që i kam vënë nëpër gode që thashë po ashtu t’ja jap Myftarit ato 7....ça thua i thash ca 7? Ato s’kanë dalë, unë i kam te shtëpia njëherë...jo tha I ke vënë ti nga moçalja tha Xhevoja..., 4 - unë I thash ska, 5-6 copë ka.

B: i ka thënë Myftari të gjitha, kishte vajt Myftari andeja nga moçalja...kishte kontrolluar nëpër rrather.

Altini- kush o ?.

B: Myftari re...I kishte thënë Xhevos kontrollova ktu kontrollova atje, s’po i gjej dot ku i ka vënë,

Altini: Gënjen ai Xhevoja, me Xhevon merresh!

B: Do vete do ta pyes njëherë pastaj ...kështu me tha, ka vajtur i ka kontrolluar tërë vendet tha që mbollën atë vit...i kontrollova të gjitha s’ja gjeti tha...

Altini: ... më duket se do ti vinin bashkë ata

B: Po ti vinin ore...unë te shpia kam, s’ka dalë asnjë kokërr ore.... e hapa njërën është e prishur nga brenda.

Altini: Shiko mos na gjesh ndonjë ashtu po vari lesht.

B: Ashtu do gjej unë se s’bën re se s’kam ca do bej unë poo... kshu i kishte thënë atij re.

Altini: Ata më ngatërruan dhe mua lash 300 mijë leke...

B: Për ca te ngatërruan ore?

Altini: Po mora këtej unë, ata s'kishin lekë andej, pagova vete, ata / prishën...,Baha...ai vjen mi thotë të gjitha...ça i ka thënë Myftari...pashe rrather..te gjitha

B: Po jo unë të kisha...7 copë vari lesht...

Arben Lekli dyshohet si koka e grupit i cili më pas ka përfshirë të gjithë personat e tjerë në kultivimin e lëndëve narkotike në zonën e Skraparit. Lekli është person me precedent penale dhe rezulton i dënuar në Itali për trafik droge. Më 16 dhjetor  të këtij viti OFL i ka dërguar formularin për deklarimin e pasurisë.

Bisedat e para të përgjuara nga prokuroria kanë nisur që në fillim te qershorit. Ku sipas organit të akuzës është e faktuar përfshirja e efektivëve të Policisë në kultivimin e kanabisit.

Zeqo: Urdhëro shef

Naska: Si e kalove?

Zeqo: Mirë ça bërë?

Naska: Ore, lagjen Lekli ne kemi? Ka?

Zeqo: Po Naska, ku është?

Zeqo: Në Çorogjafë.

Naska: Në Çorogjafë?

Zeqo: Po

Naska- E kemi lënë ne atë Çorogjafën?

Zeqo-Po kemi bërë në Çorogjafë shumë pjesë, edhe aty kemi kaluar.

Naska: Kemi bërë këtë lagjen?

Zeqo: Nuk të dëgjoj...

Naska: Kam merak, kshu

Zeqo: Alo?

Naska: Hajt se flasim.

Një tjetër përgjim i zbardhur nga SPAK është i datës 3 shtator i viti të shkuar.

Zeqo: Urdhëro Shefo.

Naska: Ku e keni planin sot

Zeqo: Në Tërpan.

Naska: Më mori Ermali dhe më tha se ku i ke sot, unë i thashë që sot janë në Tërpan.

Zeqo: Po mirë po dalim vetë ne sot andej dhe po kontrollojmë gjithë territorin e Tërpanit

Naska:  Ok shikoje vetë këto gjera.

A- Neritan Naska

B - Klement Zeqo

Zeqo- Kur te mer shefi jot, ti thuaj që ne jemi duke kontrolluar, grupet e kontrollit i kam në terren. 

Naska- Mirë se i thashë se i kam forcat në terren duke kontrolluar në Tërpan, se më tha dhe Fatmiri.

Zeqo: Po merre vete Fatmirin, dhe thuaj se i kam çuar forcat në teren duke kontrolluar.

Disa orë më pas Neritan Naska dhe Klement Zeqo komunikojnë sërish me njëri-tjetrin.

Naska- Hë ore.

Zeqo- Në të djathtë të dronit

Naska- Mirë, mirë.

Zeqo- Gjetëm nja 11-13 gropa, bosh s’ka gjë.

Naska- Mirë, në anën e lumit gjetëm 40 copë, afër lumit.

Zeqo- Po mirë.

Naska- Prit se po me merr Fatmiri.

Këtu ndërpritet komunikimi mes tyre.

“Zhduke drogën…” Përgjimet zbuluan lidhjet me policinë, mbeten në burg zyrtarët e Skraparit