Shuhet stilisti i famshëm Pierre Cardin
Nga OraNews Përditësimi i fundit 29 Dhjetor 2020, 14:24
Një nga ikonat e stilimit, Pierre Cardin, është ndarë nga jeta këtë të martë, në moshën 98-vjeçare. Shtëpia e tij e modës ka punuar me njerëzit më të famshëm në botë ndër dekada dhe në vitet 1960, kostumet e thjeshta me jakë të lartë të stiluara prej tij u bënë estetika dominuese e kohës.
Një nga ikonat e stilimit, Pierre Cardin, është ndarë nga jeta këtë të martë, në moshën-98 vjeçare.
Ai ka mësuar të stilojë dhe ka bashkëpunuar me mendjeartë si Jean Cocteau dhe Christian Dior, përpara se të çelte shtëpinë e tij të modes.
Stilistët e mëdhenj botërorë e kanë cilësuar si të dashuruar pas dizajnit futurist.
Akademia franceze e Arteve të Bukura shkroi se është në zi për ndarjen nga jeta të artistit Cardin.
"Trishtim i pamasë", tha sekretari i përgjithshëm i akademisë përmes Twitterit, duke shtuar se ka qenë një gëzim i madh njohja me të.
Në vitet 1960, kostumet e thjeshta, me jakë të lartë të stiluara prej tij u bënë një hit me Beatlesat.
Do të ishte estetika dominuese e atyre viteve, stilimi i bërë nga Pierre Cardin. Me një karrierë që zgjati më shumë se 70 vjet, ai mbeti një futurist, duke i dhënë një dimension tjetër stilimit të veshjeve.
Shtëpia e tij e modës ka punuar me njerëzit më të famshëm në botë ndër dekada.
Projektimet e tij janë ndikuar nga format gjeometrike dhe ku kanë mbizotëruar ngjyrat e ndezura.
Pietro Costante Cardin lindi më 7 korrik 1922, në një qytezë afër Venecias. Ai u rrit në Saint-Étienne, në lindje të Francës qendrore, ku babai i tij ushtronte tregtinë e verës.
Në adoleshencën e tij të hershme ai i refuzoi përpjekjet e babait për ta përfshirë në tregtinë familjare.
Në respekt të ambicjeve të tij artistike, prindërit e regjistruan për arkitekturë në Saint-Étienne.
