Dosja "184" PD do të ankimojë vendimin e prokurorisë
Nga OraNews Përditësimi i fundit 19 Dhjetor 2020, 14:06
Partia Demokratike do të ankimojë vendimin e Prokurorisë për dosjen 184 të manipulimit të zgjedhjeve në Dibër.
Për këtë arsye, Partia Demokratike i kërkoi Prokurorisë dosjen e plotë 184 dhe vendimin e saj për këtë çështje. Pas kësaj, i hapet rruga ankimimit të çështjes në gjykatë.
Sekretari i Përgjithshëm, Gazment Bardhi, e bëri kërkesën me cilësinë e kallëzuesit 4 vjet më parë të krimit të blerjes së zgjedhjeve në Dibër.
“Hetimi, i nisur mbi bazën e kallëzimit të PD zgjati me shumë se 4 vjet, me synimin taktik të paligjshëm për te tejkalusr afatet proceduriale për të shmangur ndëshkueshmërinë e personave, që kanë kryer krime elektorale”- thuhet në kërkesën e dërguar nga Sekretari i Përgjithshëm i PD.
Ndërkaq ecejakia në prokurorinë e krimeve të rënda, SPAK dhe në shkallë të tjera për 5 vite me radhë për PD është e qëllimshme dhe ka bërë që shkelja të legjitimohet dhe në gjykatë të shkojnë vetëm 4 të akuzuar nga 9 që janë në dosje
Lexo dhe:
“Dosja 184” Si u pushua çështja dhe i shpëtoi gjykimit kryebashkiaku i Dibrës, Dionis Imeraj
