Konfirmohet në detyrë prokurori Kujtim Luli
Nga OraNews Përditësimi i fundit 3 Dhjetor 2020, 13:27
Komisioni i Pavarur i Kualifikimit konfirmon në detyrë Prokurorin e Prokurorisë së Përgjithshme, Kujtim Luli.
Procesi i vetingut për prokurorin Luli u krye nga trupa gjyqësore e kryesuar nga Olsi Komici, me relatore Brunilda Bekteshi dhe anëtare Xhensila Pinen.
Në seancën dëgjimore të zhvilluar me 17 nëntor, Komisioni i Pavarur i Kualifikimit nuk evidentoi probleme serioze të prokurorit Kujtim Luli, ndërsa ky u fundit u ballafaqua me pyetje për përfitimin e një kredie të butë si dhe dënimin e nipave të tij –për të cilët tha se i kishte deklaruar në formularin e figurës.
Kujtim Luli e ka nisur karrierën si prokuror ushtarak në vitin 1992, funksion që e ka mbajtur deri në vitin 2002.
Prej gati dy dekadash ai ka ushtruar funksionin e prokurorit në Prokurorinë e Përgjithshme.
Në vitet 2015-2017, Luli ka punuar gjithashtu si prokuror pranë Prokurorisë së Apelit Durrësit.
