Fshati Vreshtas në Maliq pa ujë në çezma, me ujëra të zeza rrugëve
Nga OraNews Përditësimi i fundit 3 Dhjetor 2020, 13:27
Prej 4 vitesh banorët e fshatit Vreshtas në Maliq, furnizohen me ujë të pijshëm vetëm 1 deri në 2 orë në ditë.
Ata thonë se po jetojnë duke mbushur ujë me enë dhe mungesa e tij po u krijon probleme serioze.
“S’kemi ujë. Uji i pijshëm është me orar 1-2 orë. Mbushim enët, bidonat dhe me ato konsumojmë derisa të vijë. I papastër është.”
Një tjetër problem shqetësues për shëndetin e banorëvë të Vreshtasit, janë kanalizimet.
Ujërat e zeza derdhen rrugëve të fshatit, ndërsa bashkia nuk ka marrë asnjë masë për këtë problem megjithë ankesat e tyre.
Gjithë kësaj situate i shtohen edhe rruga e pashtruar. Pavarësisht premtimeve që kanë marrë nga politika dhe autoritetet asnjë investim nuk është bërë në fshat
“Rrugët e fshatit janë pa shtuar. Çdo parti që vjen jep premtimet e saj.”
Vreshtasi është rreth 30 kilometra nga Korça. Aty jetojnë rreth 2 mijë banorë, të cilët çdo ditë presin dikë për të bërë realitet premtimet.
“Do të realizohen kur të ketë njerëz të mirë nëpushtet dhe që atë që e flasin e mbajnë.”
