Makinat përplasen kokë më kokë në Fier
Nga OraNews Përditësimi i fundit 17 Nëntor 2020, 16:38
Një aksident me pasojë dy të plagosur është shënuar pak minuta më parë në aksin Fier-Topojë, në vendin e quajtur "Kthesa e Semanit".
Përplasja mes dy automjeteve, tip Mercedes Benz, ka qenë e fortë, aq sa mjetet kanë dalë jashtë rruge në drejtime të kundërta.
Drejtuesit e mjeteve janë transportuar për në Spitalin Rajonal të Fierit nga ku raportohet se ndodhen jashtë rrezikut për jetën.
Policia mbërriti menjëherë në vendngjarje, ndërsa nuk dihen ende shkaqet e aksidentit.
