Covid-19 i merr jetën mësuesit dhe shkrimtari nga Rrogozhina
Nga OraNews Përditësimi i fundit 15 Nëntor 2020, 20:04
Një tjetër viktimë është shënuar ditën e sotme nga Covid-19.
Ai është Ylli Xhaferri, ish-mësues letërsie dhe ish-drejtor i gjimnazit të Rrogozhinës “Haxhi Qehaj”.
Mësohet se ai ka humbur jetën në Spitalin Infektiv.
Lajmi bëhet i ditur nga vetë stafi i kësaj shkolle, të cilët kanë përcjellë mesazhe ngushëllimi në rrjetet sociale.
Ylli Xhaferri, 66-vjeç ka lindur në Golem të Kavajës, ai kreu fakultetin Histori-Filologji dega Gjuhe-Letërsi.
Ai punoi si mësues dhe për shumë vite drejtor në gjimnazin “Haxhi Qehaj”.
Xhaferri ka botuar shume libra ku mund të veçojmë “Ikja e Muzave” si dhe “Mbrëmjen e merr gjumi vonë” .
Ylli Xhaferri ka mbajtur edhe postin e Drejtorit të Drejtorisë Arsimore të qarkut Tiranë.
Ditën e sotme, Ministria e Shëndetësisë raportoi për 597 raste të reja dhe 11 viktima.
